Профсоюзам Северной Осетии – 100 лет!

«Мауал æфтæд æргътæ æмæ хъалонтыл. Фылдæр кæнæнт мызд æмæ пенситæ»

Уæрæсейы федералон адæмон профцæдистæ рахастой  уынаффæ æппæтуæрæсон фыццæгæммайон акции ацы аз ахæм сæраг домæнтимæ саразын: «Мауал æфтæд æргътæ æмæ хъалонтыл. Фылдæр кæнæнт мызд æмæ пенситæ!». Уыцы уынаффæ растыл банымадта Цæгат Ирыстон-Аланийы профцæдисты федераци дæр.

Райсом Дзæуджыхъæуы Театралон фæзы 10 сахатыл уыдзан профцæдисты фыццæгæммайон митинг. Уырдæм æрбамбырд уыдзысты республикæйы алыхуызон профцæдисты минæвæрттæ – ахуыргæнджытæ, дохтыртæ, захгуыстганджытæ, промышленнон куыстуæтты минæвæрттæ æмæ бирæ æндæр адæм. Профцæдисты уæнгтæ дзурдзысты сæ социалон-фæллойадон бартыл.

Цавæр уыдзæн ацы азы Фыццæгæм май æмæ, æмткæй райсгæйæ, республикæйы социалон-экономикон уавæртыл æрдзурыны тыххæй нæ уацхæссæг фембæлд Республикæ Цæгат Ирыстон-Аланийы Профцæдисты федерацийы сæрдар КАСАТЫ Таймуразимæ, æмæ сæм рауад ахæм ныхас:

- Таймураз, цавæр æнкъарантимæ рацæудзысты профцæдисты райсомы акцимæ? Ацы азы Фыццæгæм май цæмæй хицæн кæны фаронæй?

- Иннæ азты мах уыдтам, бæстæйы разамынд, сындæг, фæлæ уæддæр архайдтой куысты уавæртæ фæхуыздарер кæныныл, Уæрæсейы Федерацийы Президенты майы уынаффытæ мызд фæфылдæр кæныны хъуыддаджы æххæстгонд цыдысты хорзæрдæм. Фæлæ, хъыгагæн, фæстæг рæстæг æддагон хъуыддæгтæ зынгæ цæф ныккодтой, профцæдистæн раздæр сæ кхухы цы хъуыддæгтæ бафтыд, уыдонæн.  Мах уынæм, профцæдисты уæнгты цардыл кризис æвзæрæрдæм куыд фæзыенд, уый.

Кусæджы æппæты къаддæр мыздæй фæцæрынæн æппынкъаддер цас æхца хъæуы, уыдоны æхсæн хъауджыдæрдзинад зынгæ фæфылдæр. Ахсджиагдæр социалон лæггæдтæ зынгæ февзæрдæр сты: бюджетæй æхца чи исы, уыдоны мызды фонд индексацигонд нæ цæуы, ахуырад, æнæниздзинад хъахъæнынад, культурæ дарддæр дæр цæуынц коммерцийы бындурыл. Куыст кæмæн нæй, уыдонæн Уæрæсейы Федерацийы Хицауад цы æххуысы фæрæзтæ снысан кодта, уыдон фылдæргонд нæ цæуынц. Социалон æххуыстæ æмæ пенситæ индексацигонд цæуынц инфляцийæ къаддæр. Кусгæ цы пенсиисджытæ кæнынц уыдоны пенситы индексаци та ивгæ акодтой. Æнæмæнгхъæугæ лæггæдтæ æмæ товарты. Коммуналон лæггæдты æргьтæ цæхгæр фæфылдæр сты, капиталон цалцæгæн дæр ныр хъаудзæн фидын. Фæзынаргъдæр сты æфсæнвæндагæмæ авиабилетты æргътæ. Ахæм зын уавæрты Уæрæсейы Федерацийы Хицауады финансон-экономикон хайад пенсийы кар фæфылдæр кæнын æмæ æнæбюджетон фондтæм фæдзæхстады фиддонтæ администрацийы æххуысæй хæссыны фæдыл цы ивддзинæдтæ æрхъуыды кодта, уыдон цыма бынтон раст не сты.

Мах хъуама ма бауадзæм ахæм хъуыддаг, цæмæй экономикон зындзинæдты сæрты ахизынæн пайдагонд цæуа кусæг адæймаджы хардзæй. Фыццæгæм майы акцимæ рацæудзыстæм ахæм домæнимæ: «Мауал æфтæд æргътæ æмæ хъалонтыл. Фылдæр кæнæнт мызд æмæ пенситæ!»

- Райсом дзурдзыстут, кусæн бынæттæ кæй нæ фаг кæны. Уый тыххæй. Куыд дæм кæсы, ацы зын уавæрты адæмон хæдзарады къабазы кусджыты нымац фæкъаддæр æви нæ?

- Нæ амондæн, республикæйы куыстуæттæ сæ кусджыты нымæц нырмæ нæ фæкъаддæр кодтой. Фæлæ зæгъын хъæуы дæр, æмæ республикæйы промышленнон куыстуæттæм, стæй Хицауады æххæстгæнæг органтæм хæстæгдæр рæстæджы уыцы хъуыддаг æнхъæлмæ кæсы. Абон. Куыд уынæм, афтæмæй РЦИ-Аланийы кусæн бынæттæ дæттæг комитеты бæрæгг фæкъаддæр сты, чи нæ кусы, уыдоны бынæттæ, æгуыст адæмæй рады чи æрлæууы, уыдоны нымæц та фылдæр фæци.

- Республикæйы Сæргълæууæджы хæстæ рæстæгмæ Битарты Вячеславыкомкоммæ эфиры сбæрæг сты республикæйы мызд фидыны къуылымпыдзинæдтæ. Уыцы хъуыддаджы фæдыл нын дæ хъуыдытæ нæ раргом кæндзынæ?

- Хъыгагæн, уыцы хъуыддаг мах республикæйæ дæр иувæрсты нæ ацыд. Ацы аз 1 мартъийы онг республикæйы куыстуæттæ æмæ организациты, чысыл амалхъомады куыстутæттæ нæ нымайгæйæ, мызд бафидыны хæстæ сты 36 милуан сомы, уый та у, фарон ацафонимæ, 30,9 проценты фылдæр. Фæлæ мæ зæгъын, фæнды уый дæр, æмæ куыстуæтæй  профцæдисон къордтæ кæм ис, уым мызд исынц афойнадыл. Ахæм къордтæ кæм стыарæхдæр. Фæлæ уæддæр мах æдзухдæр фидарæй архайæм ууыл, цæмæй кусджытæ мызд исой афойнадыл.

- Таймураз, ацы аз сентябры мæй уыдзысты æвзæрстытæ Уæрæсейы Федерацийы Паддзаахадон Думамæ æмæ фондз районы та бынæттон закъонадон æмбырдтæм. Уыцы хъуыдаджы республикæйы профцæдистæ архайдзысты?

- Ацы аз у политикон æгъдауæй ахсджиаг аз. Профцæдистæ, æнæмæнг, архайдзысты уыцы ахсджиаг политикон змæлды æмæ хъæлæс кæндзысты, профцæдисты архайд æмæ хъуыдыйы сæрыл кусынæн фылдæр ныфс чи дæтта, уыдоны хуыздæрты- хуыздæртыл.

- Республикæйы разамынд цы социалон-экономикон рæзты фæндагылæрлæууыд, уымæ та цавæр цæстæнгæс ис профцæдистæн?

- Æртæфæрсыг республикон къамисы архайгæйæ, мах кусæм Хицауадимæдæр æмæ куыстдæтджытимæ дæр. Стæй Парламенты депутаттимæ дæр агураме мадзæлттæ лыггæнинаг фарстатæ хуыздæр æмæ пайдаджындæрæй сæххæст кæнынæн. Республикæйы рæзты фæдыл цы ног нысæнтæ æвæрд цæуы, уыдон æххæст кæнынæн нæ ауæрдæм нæ хъарутыл.

Мах хорз æмбæрæм, республикæйы разамынд ацы  уæззау уавæрты йæ размæ цы ахсджиаг хæстæ æвæры, æмæ куыд зын æххæстгæнæн сты, уый. Цæттæ стæм æмæ æдзухдæрбалæууæм сæ фарсмæ социалон-экономикон фарстатæ æххæст кæныны хъуыдаджы. Профцæдисты уæнгты цардыуагмæ хауы, уыдоныл та æдзухдæр архайæм æмæ архайдзыстæм æнæмæнг сæ аххæст кæныныл.

- Профцадисты архайдмæ ма абон республикæйы æмæ æгас бæстæйы дæр бирæтæ кæсынц, советон дуджы куыд куыстой, уыцы цæстæнгасæй. Афтæ дæм нæ кæсы, æмæ рæстаджы домæнтæм гæсгæ уæ куысты мадзæлттæ дæр аивын хъъæуы. Зæгъæм фæсивæд цæмæй фылдæр архайой профцæдисты, ууыл кусын?

- Абоны царды æууæлтæ бæгуыдæр домынц алы куыст дæр, уыимæ, профцæдисты архайд дæр ног  хуызы рацаразын. Æмæ мах дæр архайæм рæстæгимæ æмдзу кæныныл. Кусæм нырыккон мадзæлттæй, уыимæ информацион технологитæй. Фæсивæды тыххæй куы зæгъæм, уæд нæм чысыл нæй, фæлæ нæ фæнды, фæсивæд ноджы зæрдиагдæрæй куы цæуикоой профцæдисты рæнхъыттæм, уый.

Æрæджы сæвзæрстæм фæсивæдон совет æмæ йые сæрдæр у æрыгон профцæдисон разамонæг Мæхъиты Анзор. Уый у Цæгат Ирыстоны Хетагкаты  Къостайы номыл паддзахадон университеты студенты профцæдисон организацийы разамонæг дæр. Нæ зæрде дарæм, Анзор йæ фæлтæрдзинадæй кæй спайда кæндзæн æмæ фæсивæды советы куыст  дæр ног уагыл кæй рацараздзæн.

- Таймураз, Æппæтуæрæсеон профцæдисон фыццæгæммайон акцийы агъоммæ мæ дæ цы  зæгъын фæнды республикæйы профцæдисты уæнгтæн æмæ æппæт  цæрджытæн дæр?

- Зæрдиагæй мæ фæды республикæйы æппæт цæрджытæн дæр арфæ ракæнын Уалдзæг æмæ фæллойы бæрæгбоны фæдыл. Мæ зæрдæ сын загъы фидар æнæниздзинад, амонд æмæ стыр  ныфс фидæны цардыл. Æмæ, кæй зæгъын, æй хъæуы, райсои, 1 майы, хонын республикæйы æппæт цæрджыты дæр профцæдисон митингмæ 10 сахатмæ Дзæуджыхъæуы Театралон фæзмæ.

 Ныхас ныффыста Берозты Виктор

Спартакиада-2017

Ход строительства в санатории "Осетия"

as-IMG 7015

Год профсоюзной информации

«Горячая линия»

8 (8672) 53 59 79

Ссылки

1426071789 fnpr1-300x300  

logo-solidarnost 

st logo 

profsouz-tv

 Санаторно-Курортное Объединение «Федерация Независимых Профсоюзов России «Профкурорт»

Сейчас на сайте

Сейчас 83 гостей и ни одного зарегистрированного пользователя на сайте