Союз организаций «Федерация профсоюзов Республики Северная Осетия-Алания»

Хорзæхджынгонд æрцыдысты

Æваæццæгæн æмæ театр «Саби» -йы фæрцы, аргъæутты дуне сывæлон уæвгæйæ чи бабæрæг кодта, уый уыцы ирд мысинæгтæ никуыуал ферох кæндзæн. Уыцы куклаты равдысты рæстæг сывæлæтты, зæрдæтæм фæндаг чи ссары, аргъæутты хъæбæтырты кæй фæрцы бауарзынц, уыдон ивгъуыд цыппæрæмы уыдысты нæ республикæйы Парламенты уазджытæ. Ахæм фембæлдæн та уыдис æхсызгон бындур. РЦИ-Аланийы Парламенты Сæрдар Алексей Мачнев Кады гæххæттытæ радта театр «Саби» -йы артисттæн.

«Бирæзыккон æнтыстджын фæллой æмæ театралон аивады раз сгуыхтдзинæдты тыххæй, рæзгæ фæлтæры хъомылады ахсджиаг бынат кæй ахсут, уый фæдыл Парламент йæ хæсыл банымадта уæ  куыстæн уын аргъ скæнын», - загъта Алексей Мачнев. Куыд ма бафиппайдта, афтæмæй театры артисттæ республикæйы рæзтмæхæссынц ахъаззаг  бавæрд. Бмрæ азтæ рацæуы, сывæллæттæ рахъомыл вæййынц., æхсæнады бацахсынц бынат æмæ уæд бамбарæм, цас фыдæбон бахъæуы, уый. 

Парламенты Кады гæхæтыттæ лæвæрд æрцыдысты Цæгат Ирыстоны адæмон артисттæ, сценæйы выерантæ Евгения Зубинайæн, Рæмонты Владимирæн, Пухаты Георгийæн. Арфæйы нухæстæ артисттæн загътой Еленæ Князьева, Суанты Вадим, Касаты Таймураз æмæ Челдыты Витали. 

Фембæлд рауад зæрдæйы фæндиаг, уымæн æмæ фысымтæ æмæ уазджытæ кæрæдзи хорз æмбæрстой. «Саби» -йы аивадон размонæг, РЦИ-Аланийы адæмон артист Колыты Владислав радзырдта театры æнтыстдзинæдтæ æмæ зындзинæдты тыххæй. Ныхас баххæст кодта 88 – аздзыд Евгения Зубина, уый Ирыстоны сывæллæттæн 70 азы дæргъы лæвар кæны фæндаг аргъæутты бæстæмæ. Театры артисттæ кæронбæттæны фæхуыдтой депутатты сæ иу спектакльмæ, уыдон дæр æхсызгонæй сразы сты. 

РЦИ-Аланийы Парламенты пресс-службæ