Профсоюзам Северной Осетии – 100 лет!

Касаты Таймураз: «Профцæдистæ ахæм закъоны проектимæ разы не сты»

«Мах ацы закъоны проектимæ разы не стæм. Кæд ма хъуыды кæнут 90-æм азтæ, адæм нæдæр афойнадыл социалон зæрдæрæнтæ истой, нæдæр пенсии. Куыд кæсæм, афтæмæй та бæстæйы хицауадмæ фæнд ис бюджеты лæзæрæнтæ ацы æхцатæй æмпъузын. Уæрæсейы профцæдистæ сæ зондахаст бамбарын кодтой паддзахады размындæн. Паддзахадон Думæ ацы закъоны проект куы сфидар кæна, уæд мах рацæудзыстæм митингтæм, быцæуы акцитæм», - знон, депутат Касаты Таймураз, парламентон советы æмбырды йæ хъуыдытæ загъта «Уæрæсейы Федерацийи Хъалонты кодекасмæ ивддзинæдтæ бæхссыны тыххæй федералон закъон фидаргонд кæй арцыд, уый охыл Уæрæсейы Федерацийы хицæн закъонæвæрынадон акттæм ивддзинæдтæ бахæссыны фæдыл» закъоны проекты тыххæй.

Советы æмбырд амыдта Парламенты Сæрдар Алексей Мачнев.

Касаты Таймураз куыд депутат, куыд республикæйы профцæдисон организациты иугонды сæрдар, растыл нæ банымадта Уæрæсейы Хицауады финансон-экономикон дæгтыл дзуаппдæттæг адæймæгты хъæппæрис. Сæ хъуыдымæ гæсгæ æнæмæнг пенсион, социалон æмæ медицинон фæдзæхстадты æхца хъуамæ æмбырдгонд цæуа хъалонты службæйы. Касайы-фырт куыд бамабарын кодта, афтæмæй уыцы хъæппæрисы фæрцы Уæрæсейы кадавар бюджетыл æмпъузæнтæ æвæрдзысты ацы æнæбюджетон фæрæзтæй «ома, кæдæм сæ бахъæуа, уырдæм та-иу сæ ратдзысты. Ахæм æнæбюджетон фиддонтæм, зæрдæрæнтæм хъуамæ хъалонты органтæ мацы бар дарой. Уымæн, æмæ социалон зæрдæрæнтæ хъалонтæм нæ хауынц», - бацамыдта депутат.

Куыд ма загъта, афтæмæй, ныртæккæ хъуыддаг куыд æвæрд у, ууыл бакуыстой 2001 азы, æмæ сабыргай-сабыргай уавæр банывыл пенситмæ, æндæр фиддонтимæ. «Уымæй размæ та Уæрæсейы æппæт уыцы æхца амбырдгонд цыдысты «иу голлагмæ» æмæ алчидæр архайдта ахсджиагдæр хъуыддæгтæм сæ «аздахын». Уæд социалон фарстатæ уыдысты тынг æддæуæз. Æмæ та куыд уынæм, афтакмæй уыцы фæндæгмæ здæхæм», - дзырдта депутат.

Иннæ тæссагдзинад та, Касайы-фырты хатдзæгтæмгæсгæ, баст у фиддонтæ кæд, цавæр æгъдау, фæтк, æмгъуыдты дих кæндзысты (зæгъæм, пенсиисджытæн, кæнæ фæрынчыны æвдисæндар гæххæттытæн, социалон зæрдæрæнтæн), уый сын бæлвыргондæмæзындгонд кæй нæмæ у, уыимæ. «Ахæм вазыгджын, социалон ахадындзинадимæ уынаффæтæ, фæндтæ рахæссыны фгъоммæ хъуамæ æртæвæрсы разыдзинады бындурыл профцæдистæ, хицауад æмæ паддзахадон органты минæвæрттæ æрныхас кодтаиккой. Фæлæ дæр ничи бакодта», - загъта Касаты Таймураз.

Советы уæнгтæ йæ хъуыдытимæ сразы сты, уыцы хатдзæгтæ закъоны проектмæ бахастой æмæ йæ сфидар кодтой. Республикæйы Профцæдисон организациты иугонды сæрдар куыд бафиппайдта, афтамæй у закъоны проекты ныхмæ. Дарддæр дæр профцæдистæ сæ хъус дардзысты, Паддзахадон Думæ фарста цы хуызв алыг кæндзæн, уымæ.

Социалон политикæйы, æнæниздзинад хъахъхъæнынад æмæ ветеранты хъуыддагты комитет дæр амбырдмæ бацæттæ кодта цалдæр ахсджиаг закъоны проекты. комитеты сæрдар Бæззаты Витали æрдзырдта «Уæрæсейы Федерацийы хицæн закъонæвæрынадон акттæм, анаболикон стероидтæ цы буаргъæдты ис, уыдоны зилдухады фæтк сбæлвырды охыл, ивддзинæдтæ бахæссыны тыххæй» закъоны проектыл. Куыд бамбарын кодта, уыдон сты тыхджын хосты хыгъды, афтæмæй та сæ æнцонæй ис балхæнæн, уыимæ ма сæ æхсæнады дæр рекламæйы фарцы тауыс кæнынц. Дзæбæхгæнæн фæрæзтæ уæвгæйæ сæ рынчын пайда кæны дохтыры амынддзинадæй. Кæй куыд фæнды, афтæ сæ куы пайда кæна, уæд йе ‘нæниздзинадæн стыр зиан æрхæсдзæн, уæлдайдæр та, æвзонг кары чии с, уыдонæн. Ацы закоъоныпроекты фæрцы æнæ дохтыры амынддзинадæй анаболикон стероидтæй пайда кæнын, кæнæ сæ рæзгæ фæлтæрты’ хсæн тауыскæнын нымад цæуы знаггадыл,æмæ уый тыххæй æфхæрæн мадзæлтæ карздæр кæнынц.

Ныхас ма бацахста «Уæрæсейы Федерацийы граждæнты æнæниздзинад хъахъæныны бындурты тыххæй закъонмæ ивддзинæдтæ бахæссыны фæдыл» закъоны проект. Уый баст у бæрзонд технологион медицинон æххуысæн фаг’хца дих кæнынимæ. Бæззайы-фырт куыд бамбарын кодта, вфтæмæй иу азæйиннæмæ æнæниздзинад хъахъхъæнынадыл хæрдзтæ къаддæрæй-къадæргæнгæ цæуынц. 2016 азы мидбæстаг иумæйаг продукты бæрцæн уыдис йæ 3,5 проценты, уый та у Æнаниздзинады хъахъхъæнынады æппæтдунеон организацийы домæнæй (4,5 проценты) къаддæр.

Æнæмæнг медицинон фæдзæхстад кæд æппынæдзух хорзæрдæм ивддзинæдтыл дзуры, уæддæр лæвар, аккаг медицинон æххуыс адæммæ нæ хæццæ кæны. Бынтондæр та - бæрзонд технологион медицинон æххуыс. Уымæ гæсгæ, закъоны проекты фæрцы бæрзонд технологион медицинон æххуысæн æхца Æнæмæнг медицинон фæдзæхстад нал дих кæндазен, фæлæ цæудзæн федералон бюджетæй. Ацы закъоны проектыл дæр советы уæнгтæ сразы сты.

Национ политикæ æмæ фæсивæды хъуыдæгты комитеты сæрдар Козаты Сослан рагъмæ рахаста «Цагаты, Сабыры æмæ Дард Скæсæны цæугæ цардгæнæг, нымæцæй чысыл чи у, уыцы адæмтæн паддзахадон æххуысы тыххæй» федералон закъоны проект. Ацы проектыл бакуыста Паддзахадон Думæйы кусæг къорд, йæ нысан у нымæцæй чысыл чи у, уыцы адæмты царды æмæ æмвæзад зынгæ фæхуыздæр кæнын. Цæргæбонты, фæлтæрæй-фæлтæрма цы куыст кодтой, уый сын хуыздæр цæмæй æнтыса, медицинон лæгæндтæ, ахуырад, социалон æнцойдзинæдтæ сæм хæстæгдар цæмæй фæуой, ууыл дзурæг у закъоны проект.

Фылдæр æргом дзы здæхт цæуы, цæугæ цард чи кæны, уыцы иу бынатыл баст чи нæу, ахæм адемтæм. Регионты сæхимæ дæр ис бæлвырд закъонæвæрынадон бындуртæ, царды конд цæуынц нысанмæрæзт прогрæммæтæ, фæлæ уæддæр ахсджиаг у паддзахадон æххуыстдæттæг федералон закъон. Ацы æмæ иннæ закъоны проекттæ фидаргонд арцыдысты. Æмбырды ма æрныхас кодтой æндæр ахсджиаг хъуыдæгтыл.

Бутаты Эльзæ.

Спартакиада-2017

Ход строительства в санатории "Осетия"

as-IMG 7015

Год профсоюзной информации

«Горячая линия»

8 (8672) 53 59 79

Ссылки

1426071789 fnpr1-300x300  

logo-solidarnost 

st logo 

profsouz-tv

 Санаторно-Курортное Объединение «Федерация Независимых Профсоюзов России «Профкурорт»

Сейчас на сайте

Сейчас 80 гостей и ни одного зарегистрированного пользователя на сайте