Профсоюзам Северной Осетии – 100 лет!

Сывæллæтты сæрд

Сывæллæтты æмæ æнахъомты сæрдыгон фæлладуагъты, æнæниз сæ кæнын æмæ сын куыст дæттыны РЦИ-Аланийы Хицауды цур ведомствоты ‘хсæн къамисæн уыд радон æмбырд. Амыдта йæ къамисы сæрдар, РЦИ-Аланийы Хицауады Сæрдары хæдивæг ТАБОЛТЫ Сергей.

Бирве рæстæг нал баззад, æмæ даууæ – æртæ кърийы фæстæ скъоладзаутæн райдайдзæн сæ сæрдыгон фæлладуадзæн рæстæг. Цæгат Ирыстоны ацы аз сæрддæргъы кусдзæн 169 лагеры, улæфæн æмæ дзæбæхгæн бынаты. Уыдонæн сæ цæттæдзинады тыххæй дзырдтой æмбырдыархайджытæ. Къамисы сæрдар Таболты Сергей куыд бафиппайдта, афтæмæй сæрдыгонфæлладуадзæнбынæттæн, санаторитве æмæ лагертæн сæ фылдæр цæттæ сты сывæллæтты æрбацыдмæ. Лыстæг куыстытæ æнæ кондæйма цы бынæтты баззад, уыдон ацы цыбыр рæстæгмæ аиппытæ хъуамæ иуварсгонд æрцæуой, куыстытæ та кæронма ахæццæ уой цæттæдзинад бæрæггæнæг инспекторы æрцыдмæ.


Республикæйы ахуырадыæмæ наукæйы министр Огъуаты Алан радзырдта, лагерты æмæ æндæр фæлладуадзæн бынæтты хъомыладон мадзæлттæ æххæстгонд куыд цæудзысты, уый тыххæй. Куыд загъта, афтæмæй уыцы нысанæн бацæттæ кодтой 400 педагогон кусæджы æмæ хъомылгæнæджы. Æххуыс сын кæндзысты волонтертæ – педагогон æмæ паддзахадон университетыстуденттæ. Уыдоны дæр бацæттæ кодтой сæрмагонд ахуырадон семинарты рæстæг.

Сывæллæтты æрцыдмæ цæттæ стыФæсивæды, хъуыддæгты, физикон культурæ æмæ мпорты фæдыл министрадмæ хæуæг æфсæддон-спортивон лагерь «Балц» æмæ бæстæзонæн лагерь «Горец». Сæрдыгон дзы баулæфлзысты, се’нæниздзинад фæфидардæр кæндзысты, сæ райгуырæн бæсьæйы истори хуыздæр базондысты «Балц» - ы 460 лæппуйы, «Горец»- ы та – 480 лæппу æмæ чызджы.

Мæздæджы раонйы сывæлæттæ сæрдыгон фæлладуадзæн рæстæг куыд арвитдзысты, уый тыххæй радзырдта районы бынæттон администрацийы сæргълæууæг Рубайты Владимир . куыд загъта, афтæмæй сæм ацы аз баулæфдзысты æмæ  се’нæниздзнад фæфидардæр кæндзысты 4000 сывæллоны., уый у фаронæй фылдæр. Фæлæ йæ уавæр раздæрау сагъæссаг у æфсæдон лагерь «Казачок Терека»-йæн.къамисы уынафмæ гæсгæ, лагерæн хъуамæ баххуыс кæной алывæрсыгæй, цæмæй дзы сывæллæттæ сæ рæстæг æдыхстæй арвитой, уый тыххæй.

Республикæйы Профцæдисты организацийы иугонды бæрны цы санаторитæ æмæ улæфæн бынæттæ ис, уыдон дæр сæрдыгон фæлладуадзæн рæстæгмæ сты цæттæ. Профцæдисты организациты иугонды минæвар куыд радзырдта, афтæмæй æххæстæй цæттæ сты санаторитæ «Урсдон» æмæ «Тæмискъ». Арæзт дзы æрцыдысты бассейнтæ, цæугæдæтты былгæрæтты та – хи найыны фадæттæ. Сывæллæтты фыццаг къорд фæллад уадзынмæ æрцæудзæн 10 июны.

Сывæллæттæ бынæттæм цы фæндæгтыл ласдзысты, уыцы фæндæгты уавæры тыххæй къамисы æмбырды дзырдта республикæйы Фæндæгты хæдзарады комитеты сæрдар Габеты Хъазыбег. Куыд загъта, афтæмæй рагацау каст æрцыд уыцы фæндæгты, тынгдæр та хохаг фæндæгты уавæрмæ. Цалцæггæнинаг дзы цы рæттæ уыд, уыдонмæ базылдысты. Ныр дæр сæ иудадзыг цæст дарынц. Цалцæггæнинаг ма у фæндаджы гæбаз «Цыкола-Мæцутæ». Фæндæгтæ цалцæггæнæн куыстытæ æххæстæй фæуыдзысты 5 июнмæ. Фылдæр каст цæудзæн,хохаг районты цы лагертæ æмæ фæлладуæлзæн бынæттæ æрбынæттон – «Дзинагъа», «Ростсельмаш», «Комы-Арт», «Урсдон», «Урсдон-Фадау», уыдонмæ фæндæгтæм.

Инспекторты бæрæггæнæг къорд лагертæм, фæлладуадзæн æмæ дзæбæхгæндæттæмкæд цæудзыстыкусын райдайыны бар сын радтыны тыххæй, стæй сывæллæтты уыцы рæттæмласыны график æрфидар кæнын тыххæй æмбырды раныхас кодта республикæйы фæллойы æмæ социалон министры хæдивæг Гасситы Жаннæ.

ДЕДЕГКАТЫ Зæлинæ

Спартакиада-2017

Ход строительства в санатории "Осетия"

as-IMG 7015

Год профсоюзной информации

«Горячая линия»

8 (8672) 53 59 79

Ссылки

1426071789 fnpr1-300x300  

logo-solidarnost 

st logo 

profsouz-tv

 Санаторно-Курортное Объединение «Федерация Независимых Профсоюзов России «Профкурорт»

Сейчас на сайте

Сейчас 65 гостей и ни одного зарегистрированного пользователя на сайте