Союз организаций «Федерация профсоюзов Республики Северная Осетия-Алания»

Профцæдисты домæнтæ

Знон Цæгат Ирыстоны профцæдисон организацитæ сарæзтой митинг ахæм девизмæ «За достойный труд!» Митинджы архайджытæ сæ хъудытæ загътой экономикæйы уавæр æмæ мызды фарстаты фæдыл.

Æмбырд байгом кодта РЦИ-Аланийы Профцæдисон организациты иугонды сæрдар Касаты Таймураз.

«Уæззау экономикон уавæртты архайгæйæ, федералон хицауады минæварттæ бюджетон фæрæзтæ фæстауæрц кæныны нысанимæ фæнд кæнынц мызды индексации растæгма æруромын, пенсимæ рацæуыны карыл бафтауын. Ныхас цæуы æндæр ахæм мадзæлттыл дæр. Фæлæ профцæдистæ ахæм къахдзæфтимæ разы не сты», - йæ раныхасы загъта Касайы-фырт.

Митинджы раныхас кодта политикон парти «Иугонд Уæрæсе»-йы Цæгат Ирыстоны регионалон хайады æххæсткомы разамонæг Хъæстуаты Руслан.

«Ацы фарстаты мах дæр æмзæрдæ стæм профцæдистимæ. Пенсимæ рацæуыны карыл бафтауын æмæ иннæ ахæм хъæппæристæй разы не стæм. Бæстайы экономикон къуырцдзæвæнæй ракæнынæн агурын хъæуы æндæр мадзæлттæ», - загъта æххæсткомы разамонæг.

Æмбырды мА раныхас кодтой Дзæуджвхъæуы 43-æм скъолайы профцæдисон организацийы сæрдар Кадиты Луиза, Хæххон паддзахадон аграрон университеты аспирант Мецъаты Мурат, Профцæдисты иугонды Фæсивæдон советы сæрдар Вячеслав Санников æмæ иннæтæ.

Кæронбæттæны митинджы архайджытæ цы документ сфидар кодтой, уый арвитдзысты УФ-йы Хицаудмæ.

Ахæм акцитæ арæзт æрцыдысты республикæйы районты дæр.

Нæ уацхæссæг